3 Indian students killed in USவில் உள்ள ஜார்ஜியா மாகாணம் அல்பாரெட்டா பகுதியில் இந்திய மாணவர்கள் சென்று கொண்டிருந்த கார் திடீரென கட்டுப்பாட்டை இழந்து விபத்துக்குள்ளானது.
அமெரிக்காவில் இந்திய மாணவர்களின் மரணம் மற்றும் அங்கு வசிக்கும் இந்தியர்கள் தாக்கப்படுவதும் சமீப காலத்தில் தொடர்ந்து அதிகரித்துள்ளது.
இந்நிலையில்,கடந்த ஏப்ரல் 27ஆம் தேதி, அமெரிக்காவில் நடந்த பயங்கர கார் விபத்தில் குஜராத்தைச் சேர்ந்த 3 பெண்கள் உயிரிழந்தனர் என்பதும் அதற்கு முன்னதாக, கடந்த ஏப்ரல் 20ஆம் தேதி அரிசோனாவில் உள்ள லேக் பிளசன்ட் அருகே நேருக்கு நேர் கார்கள் மோதிய விபத்தில், தெலங்கானாவைச் சேர்ந்த நிவேஷ் முக்கா மற்றும் கௌதம் பார்சி ஆகியோர் உயிரிழந்திருந்தினர்.
இந்நிலையில் தற்போது, அமெரிக்காவின் அமெரிக்கவாழ் இந்திய மாணவர்கள் 2 பெண்கள் உட்பட 3 பேர் விபத்தில் இறந்துள்ளது அதிர்ச்சியை ஏற்படுத்தியுள்ளது.
அமெரிக்காவில் உள்ள ஜார்ஜியா மாகாணம் அல்பாரெட்டா பகுதியில் இந்திய மாணவர்கள் சென்று கொண்டிருந்த கார் திடீரென கட்டுப்பாட்டை இழந்து விபத்துக்குள்ளானது.அந்த காரில்பயணம் செய்த ஆர்யன் ஜோஷி, ஷ்ரியா அவர்சாலா ஆகிய இரண்டு பேரும் சம்பவ இடத்திலேயே உயிரிழந்தனர்.
மேலும், இந்த விபத்தின்போது காரில் இருந்த ரித்வாக் சோமேபல்லி மற்றும் முகமது லியாகாத், அன்வி சர்மா ஆகிய 3 பேர் படுகாயங்களுடன் மீட்கப்பட்டு மருத்துவமனையில் சேர்க்கப்பட்டுள்ளனர். இதில் அன்வி சர்மா சிகிச்சை பலனின்றி உயிரிழந்துள்ளார்.
அதை தொடர்ந்து,இந்த விபத்தை குறித்து போலீசார் நடத்திய முதற்கட்ட விசாரணையில், கார் வேகமாக சென்று கட்டுப்பாட்டை இழந்ததே விபத்துக்கு காரணம் என தெரியவந்துள்ளது.
மேலும், இந்த விபத்தில் உயிரிழந்த ஷ்ரியா அவர்சாலா மற்றும் அன்வி சர்மா ஆகிய இருவரும் ஜார்ஜியா பல்கலைக்கழகத்தில் முதலாமாண்டு படித்து வந்ததாகவும், ஆர்யன் ஷர்மா அங்குள்ள ஆல்பாரெட்டா உயர்நிலைப் பள்ளியில் படித்து வந்ததாகவும், அவர் இந்த பள்ளியின் கிரிக்கெட் அணியிலும் விளையாடி வந்ததாகக் கூறப்படுகிறது.
